Cape Town's best mix
of the 80's, 90's and now

On Air Listen Live

  • ewan_strydom_250x250
  • Wed 12pm - 3pm

Now Playing: GEORGE EZRA - SHOTGUN
Now Playing:
GEORGE EZRA - SHOTGUN

SGNN GoodNews

Annfinal

Die advokaat-atleet met die wêreld aan haar voete

Ann Ashworth van Johannesburg het Sondag 9 Junie 2018 die vroue-titel van die Comrades-marathon verower. Ashworth (34) se wentyd was 6 uur tien minute en 4 sekondes.

Dié wedloop het vanjaar tussen Pietermaritzburg en Durban oor ‘n afstand van 90.184 km plaasgevind.

Sy sê sy was self verslae oor wat sy reggekry het, en het glad nie verwag dat sy sou wen nie. Sy’t wel geglo dat sy ‘n kans staan om binne die top-vyf te eindig sou sy bene van staal hê op die dag.

Om verskonings te gebruik om nie te oefen nie is volgens dié advokaat nie ‘n opsie nie – sy vertel dat sy elke oggend vier-uur opgestaan het om te gaan draf, ongeag van hoe sy gevoel het of wat ‘n werksdag van haar vereis het.

Wat mense nie weet nie, is dat Ann in die eerste kilometer van verlede jaar se Comrades ‘n spier in haar been geskeur het, en dat haar poging gouer geindig het as wat dit begin het. Hierdie jaar was sy wel met mag en mening terug, haar deursettingvermoë is beloon, en sy sê sy’s beslis van plan om volgende jaar weer aan te tree vir wat sy op hierdie stadium sien as haar derde laaste Comrades.

Gerda Steyn, vanjaar se Twee Oseane-kampioen en die gunsteling, moes met die tweede plek tevrede wees. Alexandra Morozova was derde in 6 uur twintig minute en 21 sekondes.

Ashworth sê hoewel die boodskappe van gelukwensing steeds instroom, het haar lewe nie veel verander sedert sy as Comrades-kampioen gekroon is nie. Tussen haar gewone hofwerk en huistake bly haar verpligtinge dieselfde, met geen spesiale vergunnings nie.

Xolani Luvuno (34) het die Comrades vanjaar op krukke voltooi na sy regterbeen bo die knie afgesit is toe beenkanker by hom gediagnoseer is in sy twintigs. Ann het ook haar gedagtes oor sy merkwaardige prestasie gedeel. Luister gerus na die potgooi hierbo.

Eloise

Eloise Pretorius – Weeksdae 9vm – 12nm Anker, Smile 90.4FM

Comments